1962 Telefonata ai capigruppo
1962
TELEFONATA AI CAPIGRUPPO
Fiamme Verdi Dicembre 1962— Pronto? Parla Daccò.
— Bon dì Giovanni; son el Capogruppo.
— Gera proprio de ti che cercavo parchè son drìo telefonar a tuti i Capigrupo par la question del tesseramento.
— Ma avèmo già riçevudo le istrusion par letera e le racomandassion a mezo de Fiamme Verdi.
— Va ben, ma çerte cose xe ben dirle a parte senza che tuti i le leza in t’el giornal.
— E alora parlarne pur.
— In poche parole: semo in pochi, bisogna aumentar el numero dei soci convinçendo queli che no xe iscriti a notarse ‘na bona volta.
— Qualcun gà paura de la politica.
— Dighe ch’el se sbaglia; noialtri alpini no femo politica.
— Altri de essar tropo veci e i giovani i crede de trovarse a disagio.
— No xe posibile che i anziani li abia paura dei giovani e viceversa; la nostra Associassion xe sempre stada formada da veci e da bocie parchè la gà bisogno dell’esperiensa dei ansiani e dell’energia dei giovani.
— Ghe xe anca la question del costo de la tessera che par qualche alpin povero la costituisce ‘na spesa tropo forte.
— Caro Capogruppo, queste le xe circostanse che te devi valutar ti, ma in ogni caso no te devi perdar el socio; conoscendo ben la to zona te ga da essar in grado de saver se un Alpin pol pagar o no; se nol pol veramente xe giusto che ghe paghèi voialtri la quota coi fondi del Gruppo parchè altrimenti la fraternità alpina la andarìa a remengo par tropo poco.
— Go capìo: te vol che arivemo a quota 2.000!
— Proprio cussì: el tesseramento del 1962 se gà chiuso con 1356 soci, con un aumento de 208 soci rispèto a l’anno scorso.
— Bastanza.
— Bastanza pochi invce, anca se bisogna amettar che tanti pori veci no ga rinovà el teseramento parchè i xe morti.
— No te pol lagnarte Daccò, parchè nel 1955 i soci no gèra gnanca un terzo de queli che semo adesso.
— D’acordo, parchè al 31 dicembre del 1955 gerimo solo in 400.
— E diese anni fa?
— Al 31 dicembre 1952 al tesseramento xe stà chiuso con 214 soci e l’anno prima gèrimo secondi ne la graduatoria nazionale.
— Scominziando da la coda però.
— Proprio così: a la fine del 1951 se gèra in 21, subito dopo la Sezion de Palermo che no la gavèva che 15 soci.
— Alora Daccò te vedi che avèmo fato dei boni passi.
— Si, ma la quota 2.000 la xe da ragiunger parchè no vojo gnanca pensar che ne la zona de Conejan ghe sia manco de 2.000 alpini.
— Te gà ragion, cavalier; ordina pur i 2.000 bollini a Milan che tra Grupi veci e novi te vedarà che li adoperemo tuti.
— Ben, sù co la pena, vecio, e auguri a ti e a la tu fameja.
— Auguri anca a ti, Daccò.
— Auguri a tuti i domila soci de la Sezion, porca miseria.
— Bon dì Giovanni; son el Capogruppo.
— Gera proprio de ti che cercavo parchè son drìo telefonar a tuti i Capigrupo par la question del tesseramento.
— Ma avèmo già riçevudo le istrusion par letera e le racomandassion a mezo de Fiamme Verdi.
— Va ben, ma çerte cose xe ben dirle a parte senza che tuti i le leza in t’el giornal.
— E alora parlarne pur.
— In poche parole: semo in pochi, bisogna aumentar el numero dei soci convinçendo queli che no xe iscriti a notarse ‘na bona volta.
— Qualcun gà paura de la politica.
— Dighe ch’el se sbaglia; noialtri alpini no femo politica.
— Altri de essar tropo veci e i giovani i crede de trovarse a disagio.
— No xe posibile che i anziani li abia paura dei giovani e viceversa; la nostra Associassion xe sempre stada formada da veci e da bocie parchè la gà bisogno dell’esperiensa dei ansiani e dell’energia dei giovani.
— Ghe xe anca la question del costo de la tessera che par qualche alpin povero la costituisce ‘na spesa tropo forte.
— Caro Capogruppo, queste le xe circostanse che te devi valutar ti, ma in ogni caso no te devi perdar el socio; conoscendo ben la to zona te ga da essar in grado de saver se un Alpin pol pagar o no; se nol pol veramente xe giusto che ghe paghèi voialtri la quota coi fondi del Gruppo parchè altrimenti la fraternità alpina la andarìa a remengo par tropo poco.
— Go capìo: te vol che arivemo a quota 2.000!
— Proprio cussì: el tesseramento del 1962 se gà chiuso con 1356 soci, con un aumento de 208 soci rispèto a l’anno scorso.
— Bastanza.
— Bastanza pochi invce, anca se bisogna amettar che tanti pori veci no ga rinovà el teseramento parchè i xe morti.
— No te pol lagnarte Daccò, parchè nel 1955 i soci no gèra gnanca un terzo de queli che semo adesso.
— D’acordo, parchè al 31 dicembre del 1955 gerimo solo in 400.
— E diese anni fa?
— Al 31 dicembre 1952 al tesseramento xe stà chiuso con 214 soci e l’anno prima gèrimo secondi ne la graduatoria nazionale.
— Scominziando da la coda però.
— Proprio così: a la fine del 1951 se gèra in 21, subito dopo la Sezion de Palermo che no la gavèva che 15 soci.
— Alora Daccò te vedi che avèmo fato dei boni passi.
— Si, ma la quota 2.000 la xe da ragiunger parchè no vojo gnanca pensar che ne la zona de Conejan ghe sia manco de 2.000 alpini.
— Te gà ragion, cavalier; ordina pur i 2.000 bollini a Milan che tra Grupi veci e novi te vedarà che li adoperemo tuti.
— Ben, sù co la pena, vecio, e auguri a ti e a la tu fameja.
— Auguri anca a ti, Daccò.
— Auguri a tuti i domila soci de la Sezion, porca miseria.