Prejere dal Alpin
Preghiere
PREJERE DAL ALPIN
Dal alt da li nostris montagnis,
da li cretis spissadis, dai glassârs eternos,
dulà ca ni àn mitûs di guardie
dai nostris paîs, nun alpins,
bravurôs di fâ il nostri dovè,
Ti preìn, o Signôr!
Ciale li nostris mâris,
lis nostris feminis, i fis e i fradis lontans
e fâ chi pudìn jessi simpri degnus di Te
e dal onôr dai nostris pàris.
Diu inmèns, che Ti messedis il sêl e la tiare,
sàlvini duciu, pa l’amôr e pa la fede chi vin in Te.
Sàlvini dal glas, da la nêf,
da la tormente e da la valanghe,
fâ che il nostri piè al si poi sigûr su la crete,
cha nol sbrissi su li sfèsis profondis.
Fâ, Signôr, che li armis chi vin in man
no vedin mai di dopralis cuntre altris fradis!
E Tu Madone, mâri dal Signôr,
blancje pi da la nêf,
Tu che Ti às vidût il martîr di tanciu alpins
muars in guere.
Tu che Ti às cugnussût li speransis
tant dai vîfs come dai muars,
binidìs, Ti preìn Mâri sante,
i batalions e i grups alpins in servizi
e duciu i Grups in congedo,
sparnissâs pal Friûl,
pa l'Italie e pal mont.
Amen.
(friulano di Ronchis)